Sarajeva Përkujton Fëmijët e Vrarë Gjatë Luftës

Ekspozita e lodrave, veshjeve, vizatimeve, fotove dhe sendeve të tjera që u lanë pas nga qindra fëmijë të vrarë gjatë luftës në Sarajevë, u hap më 8 maj në hollin e Teatrit të Luftës së Sarajevës, SARTR.

Arma Tanovic-Brankovi, përgjegjësja e ekspozitës, ka krijuar një hapësirë, me ndihmën e prindërve të fëmijëve të vrarë, ku kujtimi i jetëve të reja mbahet gjallë.   

Tanovic-Brankovic tha se autorët e krimeve nuk janë sjellë para drejtësisë.

“Nuk po flas për rata që urdhëruan vrasjet, por autorët e krimeve, ata që kishin snajperët, që vranë fëmijët, që bombarduan spitalet e lindjes, shkollat, parqet e lojërave”.

Ideja pas ekspozitës është të transformohen memorjet personale të prindërve dhe familjarëve në një përkujtimore të përbashkët të gjithë fëmijëve të vrarë gjatë luftës në Sarajevë.  

Shoqata e prindërve të fëmijëve të vrarë gjatë rrethimit të qytetit ka dokumente për 534 fëmijët e vdekur, por të dhëna të pakonfirmuara thonë se numri është afër 1500.

Kryetari i shoqatës, Fikret Grabovica, thotë se të kujtohet se çfarë ndodhi është shumë e rëndësishme për çdo prind që humbi fëmijët në luftë.

“Përveç se çfarë na ndodhi neve, e vërteta dhe drejtësia janë gjërat më të rëndësishme për ne, si prindër që humbëm fëmijët gjatë rrethimit, kështu që kjo ekspozitë është një mënyrë për të treguar të vërtetën”, tha Grabovica.

Ekspozita është e hapur për publikun në Sarajevë për një javë dhe është planifikuar të shfaqet edhe në qytete të tjera në Bosnjë.

Organizatorët planifikojnë të krijojnë një ekspozitë të përhershme në muze me objektet që po shfaqen tani.