Prokuroria: Nuk ka Prova të Reja në Rastin Kleçka

Në një letër të drejtuar Gjykatës së Qarkut në Prishtinë, Charles Hardaway, prokuror i Misionit për Sundim të Ligjit të BE-së, EULEX, shkroi se prokuroria qëndron me aktpadinë e mëparshme kundër ish luftëtarëve të Ushtrisë Çlirimtare të Kosovës, UÇK, dhe kërkon një vendim të shpejtë nga gjykata.

“Prokuroria nuk do t’i ndryshojë kualifikimet ligjore ose veprat për të cilat i ka paditur të pandehurit për asnjë lloj përgjegjësie, përveç atyre të përmendura në aktpadi”, thotë letra e nënshkruar nga prokurori Hardaway.

Charles Hardaway po zëvendëson prokurorin Special Maurizio Salustro, i cili është me leje.

Gjykata në Kosovë vendosi më 30 mars se ka prova të mjaftueshme kundër Fatmir Limajt, nënkryetar i Partisë Demokratike të Kosovës, dhe tre ish-luftëtarëve të UÇK-së, Nexhmi Krasniqi, Naser Krasniqi dhe Naser Shala.

Gjykata i ka liruar nga të gjitha akuzat për krime lufte ndaj popullatës civile dhe të burgosurve të luftës në qendrën e burgimit në Kleçkë, më 1999.

Sipas ligjit, një gjyq i ri mund të mbahet vetëm nëse ka prova të reja ose prova të paprocesuara nga gjyqi i mëparshëm.

Për këtë arsye, prokurori i EULEX-it, Charles Hardaway, nuk do të prezantojë një listë të re dëshmitarësh për rastin Kleçka, dhe i kërkoi gjykatës të mos i lejojë palës mbrojtëse që të prezantojë argumente të reja.

Prokuroria thotë në letër se provat e mbledhura në dosjen e rastit Kleçka “janë më se të mjaftueshme për “t’i lejuar panelit të gjyqtarëve të dalin me një aktgjykim përfundimtar dhe të drejtë, për përgjegjësinë penale të katër të të pandehurve”.

Pothuajse të gjitha akuzat janë të bazuara në dëshminë e Agim Zogaj, i njohur si Dëshmitari X, i cili u vetëvra shtatorin e kaluar në Gjermani, para se të fillonte gjyqi.

Zogaj ishte roje burgu në burgun në Kleçkë dhe ditari i tij për ngjarjet atje ishte kyç për rastin e prokurorisë kundër komandantit të akuzuar, Fatmir Limaj, dhe nënë luftëtarëve të tjerë të UÇK-së.

Gjykata e Qarkut në Prishtinë i liroi të dhjetë të pandehurit nga paraburgimi më 21 mars, pasi vendosi se ditarët e Zogajt janë të papranueshëm.