Lajm 24 Feb 12

I Akuzuari Thotë se Çakallët Kishin Dy Formacione

Njëri prej të akuzuarve thotë se lideri i Çakallëve kishte formuar dy divizione për këtë grup ushtarak, një të rregullt dhe një tjetër për plaçkitje dhe vrasje.

Marija Ristic
BIRN
Beograd

I pandehuri në rastin Çyshku, Srecko Popovic, i njohur si “baba”, tha gjatë gjyqit për krimet e luftës ndaj civilëve në Kosovë në vitin 1999, të mbajtur të enjten, se lideri i Çakallëve, Nebojsa Minic, kishte dy grupe të ndara ushtarake.

“Njëri ishte grup i rregullt ushtarak brenda Ushtrisë Jugosllave, ndërsa tjetri një grup sekret që e përdorte për plaçkitje dhe vrasje. E morëm vesh për ekzistencën e njësisë sekretë, këtu në gjyq”, tha Popovic

Gjatë konfliktit në Kosovë, lideri i Çakallëve, Nebojsa Minic, i njohur si “Komandanti i Vdekjes”, ishte zyrtar rezervë i policisë në komunën e Pejës.

Ai u arrestua në Argjentinë në vitin 2005, ndërsa ishte në arrati, por vdiq nga SIDA në të njëjtën kohë, gjatë procesit të ekstradimit.

Popovic dhe 12 anëtarë të tjerë të formacionit ushtarak serb Çakallët janë akuzuar për vrasjen e 43 civilëve shqiptarë, gjatë sulmeve në fshatin Çyshk në Kosovë, në maj të vitit 1999.

Sipas aktpadisë, skuadra ishte formuar për të pastruar etnikisht territorin e Kosovës nga popullata shqiptare.

Sulmi në Çyshk ndodhi në mes të konfliktit midis forcave serbe të sigurisë dhe Ushtrisë Çlirimtare të Kosovës, UÇK, gjatë viteve 1998-1999.

Nenad Stojkovic, një dëshmitar i mbrojtjes dhe ish-nënkomandant i policisë në komunën e Pejës, tha se të gjitha forcat ushtarake serbe kishin nga një detyrë të veçantë, përveç aktiviteteve të tyre të rregullta, dhe kjo ishte të luftonin kundër UÇK-së.

“Të gjithë kryenim aksione të veçanta për të parandaluar përhapjen e aktiviteteve terroriste në zonën e qytetit të Pejës. Nuk bëmë asgjë të paligjshme”, tha Stojkovic.

Gjyqi do të vazhdojë më 26 mars në Gjykatën Speciale të Beogradit.

Talk about it!

blog comments powered by Disqus

Latest Headlines

News 15 Jan 18

Serbian Court Sentences Eight for Ovcara Massacre

News 12 Jan 18

Serbian Judge and Defendant Clash at Lovas Trial

News 11 Jan 18

Bosnia Confirms Indictment for Crimes Near Donji Vakuf

Interview 10 Jan 18

Bosnia’s Judicial Overseer Vows to Speed Up Prosecutions

News 28 Dec 17

14 Bosniaks Charged with Crimes Against Humanity

2017 in Review 28 Dec 17

Bosnia: Landmark Verdicts Highlight Post-War Divisions

News 27 Dec 17

Female Bosnian Croat Fighter Jailed for War Crimes

2017 in Review 27 Dec 17

Kosovo: War Court Challenged, Ex-Guerrillas Acquitted

2017 in Review 26 Dec 17

Croatia: WWII Controversies and a General’s Suicide