Lajm 10 Oct 12

Buxheti i Kroacisë Kërcënohet nga Kërkesat e HVO-së për Dëmshpërblime

Buxheti i shtetit kroat mund të kërcënohet nga miliarda euro shpenzime nga kërkesat e ish-luftëtarëve kroatë, pasi gjykata vendosi se shteti duhet t’iu paguajë kompensime një veterani të HVO-së për pensionet që nuk i janë paguar.

Boris Pavelic
BIRN
Zagreb

Mediat kroate thanë të martën se një gjykatë në Kroaci ka vendosur që shteti t’i paguajë kompensime një ish-veterani të Këshillit të Mbrojtjes Kroate, HVO, për pensionet e papaguara të paaftësisë. Vendimi, që u mor në shtator, hap derën për mijëra padi të mundshme nga veteranët e HVO-së.

HVO ishte ushtria kroate e Bosnjës gjatë luftës, që luftoi në jug të Kroacisë në vitin 1992, 1994 dhe 1995, nën komandën e Ushtrisë Kroate.

Ish-ministri i mbrojtjes në Kroaci, Ljubo Cesic Rojs, tha së fundi se Franjo Tudjman, që ishte presidenti i Kroacisë gjatë konfliktit, kishte vendosur që anëtarët e plagosur të HVO-së duhet të marrin pensione për paaftësinë, si gjithë ushtarët e ushtrisë Kroate që plagosen në betejë.

Por ato përfitime, shtoi Rojs, nuk ishin për pagesa. Ato ishin një mënyrë për të zgjidhur një teknikalitet ligjor, sipas të cilës luftëtarët e plagosur duhet të merrnin pensione për paaftësi para se të mund të merrnin pensione, qëllimi i vërtetë i masave të Tudjmanit.

Sidoqoftë, një nga veteranët e plagosur të HVO-së e paditi shtetin në një gjykatë në Kroaci, që pastaj vendosi që Kroacia duhet t’i paguajë 4,5 milionë kuna [500 mijë euro] dëmshpërblim për pensionet për paaftësi, të cilat nuk ishin paguar.

Ministri i veteranëve të luftës në Kroaci, Predrag Matic, pranoi se janë më shumë se dhjetë mijë ish-ushtarë të HVO-së, që kishin të drejtën për pensione paaftësie në Kroaci por që nuk i kanë marrë.

Nëse këta ushtarë do të padisnin, atëherë shteti mund të detyrohet të paguajë kompensim me vlerë rreth 60 miliard kuna (8 miliardë euro), shumë e cila është përafërsisht sa gjysma e buxhetit vjetor të Kroacisë.

“Është e vërtetë që ushtarët e HVO-së kishin të drejtën për pensione për paaftësi, por ishte një marrëveshje xhentëlmenësh se nuk do të merrnin të holla, në këmbim të pensionit të shtetit në Kroaci. Kështu që, qëndrimi i qeverisë së tanishme është që kërkesat për kompensim janë “të paligjshme’, tha Matic për mediat kroate.

Ljubo Cesic Rojs paralajmëroi se shumë ish-ushtarë të HVO-së mund të padisin Kroacinë për mospagim të pensioneve të paaftësisë.

Qeveria kroate tha se tre nga ministritë e saj janë përpjekur të zgjidhin problemin dhe të parandalojnë gjyqe të shumta kundër buxhetit të shtetit.

Rreth shtatë mijë ish-anëtarë të HVO-së marrin pensione familjare nga ushtria kroate dhe Kroacia kujdeset për rreth 6,800 ish anëtarë të tjerë të HVO-së përmes një llojshmërie skemash shtetërore.

Pensioni i një veterani të HVO-s varion nga 2,7 mijë kuna [400 euro] deri në 6 mijë kuna [800 euro], për muaj.

Talk about it!

blog comments powered by Disqus

Latest Headlines

News 09 Jun 16

Bosnian Serb Convict Fails to Compensate Rape Victim

News 22 Feb 16

Serbian Jews to Reclaim Seized WWII Property

News 22 Jan 16

Serbia Flouts Victims' Reparation Rights, Report

News 19 Jan 16

Croatia Pays Compensation for Police Murder of Serb

2015 in Review 31 Dec 15

Operation Storm Causes Turbulence for Croatia

Feature 10 Dec 15

Bosnian Courts Deny Compensation to War Prisoners

News 30 Sep 15

Kosovo Massacre Survivor Fights To Regain Home