Lajm 28 Jan 13

Boshnjakët Kërkojnë Ditën Botërore të Gjenocidit në Srebrenicë

Forumi Botëror Boshnjak i ka kërkuar sekretarit të Përgjithshëm të OKB-së të përkujtojë masakrat e luftës, duke e shpallur 11 korrikun - Ditë Ndërkombëtare Përkujtimore të Gjenocidit në Srebrenicë.

Denis Dzidic
BIRN
Sarajevë

Kombet e Bashkuara duhet t’i përkujtojnë zyrtarisht vrasjet në konfliktin boshnjak, tha Mustafa Ceric, kryetari i Forumit Botëror Boshnjak, në një letër të dërguar sekretarit të Përgjithshëm të OKB-së, një ditë pas përkujtimeve të përvitshme të Ditës Ndërkombëtare të Holokaustit.

Kjo do të tregonte “respekt minimal për viktimat dhe për dinjitetin njerëzor”, shkroi Ceric, i cili është gjithashtu ish-kryetar i komuniteti islamik në Bosnjë dhe Hercegovinë.

Forcat serbe të Bosnjës pushtuan “strehën e sigurt” të mbrojtur nga OKB-ja në Srebrenicë, më 11 korrik 1995, dhe më pas më shumë se 7 000 burra dhe djem boshnjakë u vranë në fshatrat përreth, dhe rreth 30 000 fëmijë, gra, dhe të moshuar lanë shtëpitë e tyre.

Vrasjet më vonë u njohën si gjenocid nga Gjykata Ndërkombëtare e Drejtësisë dhe Gjykata Ndërkombëtare për Krime në ish-Jugosllavi.

Ushtarakë serbë të Bosnjës dhe liderët politikë, Ratko Mladic dhe Radovan Karadzic, janë aktualisht në gjyq në Hagë për masakrën e Srebrenicës dhe akuza për krime të tjera lufte.

Në letrën e tij, Cerici i kujtoi sekretarit të Përgjithshëm të OKB-së se organizata ka publikuar një raport për rënien e Srebrenicës në vitin 1999, në të cilën kishte premtuar të bënte përpjekje për të siguruar se 11 korriku do të deklarohej Dita Ndërkombëtare Përkujtimore për Gjenocidin e Srebrenicës.

Ai shtoi se OKB-ja kishte vlerësuar se rreth 20 000 boshnjakë ishin vrarë në Srebrenicë dhe “streha të tjera të sigurta” gjatë luftës së viteve 1992-95.

“Raporti për Srebrenicën tregonte dobësitë e qasjes së OKB-së në aksionin e serbëve të Bosnjës për spastrim etnik dhe vrasjeve masive që kulmuan në Srebrenicë. Raporti thekson se “ato gabime ishin pjesërisht gabim i neutraliteti dhe filozofisë së mosdhunës, që u vërtetua të ishte tërësisht e gabuar në konfliktin në Bosnjë”, shkroi Ceric.

Ceric u ankua gjithashtu për një incident këtë muaj në një koncert në Asamblenë e Përgjithshme të OKB-së për të shënuar vitin e ri ortodoks, kur ishte luajtur një këngë e lidhur me nacionalistët serbë “Marshi në Drinë”.

“Incidenti fundit, fatkeq në koncertin e Asamblesë së Përgjithshme të OKB-së më 1 janar na ka kujtuar sërish se njerëzimi duhet të jetë vigjilent dhe të vazhdojë të paralajmërojë për kërcënimet e vrasjeve masive”, tha Ceric.

Pas koncertit, zëdhënësi i sekretarit të Përgjithshëm të OKB-së, Martin Nesirky, shprehu keqardhje për incidentin.

Ceric tha se Parlamenti Europian ka miratuar një rezolutë në vitin 2009 që e ka deklaruar 11 korrikun si ditën përkujtimore të gjenocidit në Srebrenicë.

“Bashkimi Europian ka marrë qëndrimin se institucionalizmi i ditës përkujtimore është mënyra më e mirë për të nderuar viktimat e gjenocidit dhe për të dërguar një mesazh të qartë për brezat e ardhshëm”, tha Ceric, duke e nxitur kështu OKB-në të ndjekë të njëjtin hap.

Talk about it!

blog comments powered by Disqus

Background

Srebrenica: Genocide Reconstructed

In July 1995 Srebrenica was shelled and occupied by the Army of Republic of Srpska,VRS, despite being declared a protected area by the United Nations. More than 7,000 people were killed, the victims of genocide.

Ratko Mladic: The Force Behind the Srebrenica Killings

The Bosnian Serb commander’s role in the genocide committed in Srebrenica is described in detail in many indictments and verdicts pronounced before local and international judicial institutions.

The Indictment Against Ratko Mladic

Indictments in 1995 and 2000, further amended in 2002 and 2010, charge the former commander of the Republika Srpska Army with genocide and other crimes.

Ratko Mladic: From Promising Officer to Bloodstained Warlord

When Mladic ordered his army to bomb the people of Sarajevo until they ‘go insane’, he revealed the murderous intentions that would culminate in the Srebrenica massacre.

Subscribe to Our Newsletter