Arrihet Marrëveshja për Betimin e Rasema Handanovicit

Prokurorja Vesna Budimir i tha gjykatës në Bosnje se, si pjesë e marrëveshjes për betimin e saj, Handanovic do të dëshmojë të premten, më 16 mars, në gjyqin e Mensur Memicit, Dzevad Salcinit, Senad Hakalovicit,  Nedzad Hodzicit, Nihad Bojadzicit dhe Zulfikar Alispagos.

Gjykata do të marrë një vendim për mocionin deri në fund të javës.

Handanovic, ish-anëtare e Batalionit me Qëllime Speciale “Zulfikari”, dyshohet se ka vrarë tre civilë kroatë dhe tre ushtarë të Këshillit të Mbrojtjes Kroate, të cilët u dorëzuan në fshatin Trusina,më 16 prill 1993.

Handanovic u ekstradua nga Shtetet e Bashkuara për në Bosnjë, në fund të dhjetori të vitit të shkuar, ku dhe po mbahet në paraburgim.

Para diskutimit rreth dëshmisë së Hadanovicit, Ivan Sagolj, dëshmitar i prokurorisë, dëshmoi para gjykatës se u arratis nga Trusina gjatë sulmit të 16 prillit 1993.

Sagolj, ish-kryetar i brigadës Herceg-Stjepan të Këshillit të Mbrojtjes Kroate, tha se mori vesh rreth masakrës në Trusinë, ditën pas sulmit.

“Smiljko Kreson e vranë në shtëpinë e tij. E dogjën shtëpinë dhe trupi nuk u nxor kurrë”, tha dëshmitari.

Të gjashtë të pandehurit akuzohen për vrasjen e 18 civilëve kroatë të Bosnjës dhe katër anëtarëve të Këshillit të Mbrojtjes Kroate në Trusinë më 1993.

Sipas padisë, Memic, Salcin dhe Hodzic, ish-anëtarë të bataljonit special “Zulfikar” të Ushtrisë boshnjake dhe Hakalovic, ish-anëtar i brigadës së 45-të “Neretvica”, morën pjesë në vrasjen e civilëve dhe të burgosurve të luftës.

Aktpadia saktëson se Bojadzic, ish-zëvendëskomandanti i batalionit “Zulfikar” urdhëroi ushtarëte tij të mos kursenin asnjë në fshat dhe se komandoi sulmin përmes radios nga kodrat mbi fshatin Trusinë.

Alispago, ish-komandant i batalionit “Zulfikar”, akuzohet se nuk i dënoi ushtarët të cilët morën pjesë në vrasje.

Duke rikujtuar sulmin në Trusinë, Ivan Sagolj tha se në mëngjes dëgjoi sulme të ashpra dhe bashkë me disa burra, u arratis për në Kriz Hill. Por nuk mund të thoshte se cilët ushtarë e sulmuan fshatin.

Duke vazhduar dëshminë e tij, dëshmitari tha se Milka Drljo erdhi në Kriz Hill dhe i tha djalit të saj Ivanit të dorëzohej, sepse ushtarët i kishin marrë vajzën dhe e kërcënuan se do ta vrisnin nëse djali nuk bashkëpunon. Shtoi se përveç Ivan Drljos, disa ushtarë të tjerë të Këshillit të Mbrojtjes Kroate u dorëzuan gjithashtu.

Dëshmitari tha se u largua për Buturovic Polje dhe mori vesh për vrasjet në Trusinë, ditën e nesërme.

“Shkuam në Katica Mlikota për të parë se ç’po ndodhte. Kur u kthye, na tregoi për masakrën se trupat ishin nëpër rrugë”, dëshmoi Sagolj.

Gjyqi do të vazhdojë më 16 mars.