Lajm 12 Nov 12

Aktgjykimi për Haradinajn do të Jepet më 29 Nëntor

Gjykata Ndërkombëtare për Krime në Jugosllavi, ICTY, do të japë aktgjykimin në rastin kundër ish-liderit të Ushtrisë Çlirimtare të Kosovës, UÇK, Ramush Haradinaj, më 29 nëntor.

Haradinaj, Lahi Brahimaj dhe Idriz Balaj akuzohen se kanë qenë pjesë e aksionit të përbashkët kriminal dhe për krime ndaj shqiptarëve, serbëve dhe romëve në Kosovë, në kampin e burgimit në Jabllanicë.

Ky është gjyqi i dytë për të tre burrat. Në vitin 2008, Haradinaj dhe Balaj u liruan nga të gjitha akuzat për krime lufte pas një gjyqi trevjeçar në ICTY. Brahimaj u dënua me gjashtë vjet burgim për trajtim mizor dhe tortura.

Ata u kthyen në ICTY për rigjykim të pjesshëm pasi prokuroria e bindi gjyqtarin e apelit se gjykata nuk kishte dhënë kohë të mjaftueshme për të dëgjuar provat nga dy dëshmitarë kyç.

Treshja është paditur më parë për akuza në lidhje me vrasje, pengmarrje, torturim dhe përdhunim të serbëve, romëve dhe shqiptarëve, mes marsit dhe shtatorit të vitit 1998.

Haradinaj, 43-vjeç, u padit në vitin 2004, kur ishte kryeministër i Kosovës dhe u dorëzua vullnetarisht në gjykatë. Lideri i Aleancës për të Ardhmen e Kosovës, AAK, gëzon mbështetje të gjerë politike në Kosovë.

Ish-komandanti i UÇK-së për zonën e Dukagjinit, Haradinaj u lirua përkohësisht në mes të korrikut në pritje të aktgjykimit përfundimtar të rigjykimit. Ai është nën arrest shtëpiak në Prishtinë dhe do të transferohet në njësinë e burgimit në Tribunal para se të jepet vendimi përfundimtar.

AAK-ja ka thënë se pret që ai të lirohet dhe t’i kthehet politikës.

Talk about it!

blog comments powered by Disqus

Latest Headlines

News 24 May 16

Serbian Security Officials Face 2017 Hague Retrial

News 17 May 16

Bosnian Boxing Star Acquitted of Wartime Crimes

News 16 May 16

Kosovo Court Upholds Fatmir Limaj War Crimes Acquittal

News 13 May 16

Fatmir Limaj Questioned About Kosovo War Crimes

News 12 May 16

Croatian Police Official Mercep Jailed for War Crimes