Вести 21 Mar 16

Дуголи ја критикуваше Србија по ослободувањето од Македонија

Македонија во текот на викендот го ослободи од притвор поранешниот припадник на Ослободителната војска на Косово (ОВК), Гафур Дуголи, кој беше уапсен по барање на Србија, која го товари за воени злосторства. Тој рече дека тврдењата на Белград се лаги.

Петрит Чолаку
БИРН
Приштина
Гафур Дуголи / Фото: Фејсбук.

Гафур Дуголи, за БИРН во понеделник изјави дека е војник, а не воен злосторник и дека потерницата издадена од Србија, што доведе до неговото апсење во Македонија, се базира на лаги.

„Случајот е изградена врз основа на клевета. Јас бев војник, кој се бореше против војници“, рече Дуголи.

„Имам чиста совест и немам причина да бидам загрижен во врска со обвинувањата“, додаде тој.

Дуголи, актуелен шеф на протокол во Министерството на безбедносните сили на Косово, беше ослободен во сабота, откако помина осум дена во притвор во Скопје.

Македонската полиција го уапси Дуголи на 11 март, на границата со Косово, врз основа на потерница на Интерпол, а по барање на Србија, која го обвинува за воени злосторства извршени за време на војната во Косово.

Тој рече дека е чудно што македонските власти го уапсиле, затоа што Македонија ја признала независноста на Косово.

„Косово се соочуваа со овој проблем, поради тоа што не е членка на Интерпол, но мора да се најде начин да се избегнат ваквите апсења во иднина“, рече Дуголи.

„Косово треба да разговара за ова прашање со земјите во регионот, особено со соседните земји кои не признаа“, додаде тој.

Според српските полициски досиеја, Дуголи е осомничен за учество во убиства и малтретирање на Срби во четири логори во Клечка и Лопушник во 1998 година. Некои од овие злосторства беа процесирани во судот на ООН во Хаг, иако самиот Дуголи не беше обвинет.

Меѓу обвинетите беше и Фатмир Лимај, опозициски политичар, по кого, исто како и по Дуголи, беше распишана потерница.

Лимај беше обвинет за злосторства против човештвото и воени злосторства извршени во 1998 година во логорот на ОВК, Лапушник.

Хашкото обвинителство тврдеше дека Лимај е одговорен за убиство на повеќе од 30 лица во логорот.

Сепак, Лимај беше ослободен од обвиненијата.

Talk about it!

blog comments powered by Disqus

Latest Headlines

news 27 Apr 17

Thousands Welcome Freed Ex-PM Haradinaj in Kosovo

NEWS 27 Apr 17

Serbia Slams France’s Refusal to Extradite Hardinaj

News 27 Apr 17

France Refuses to Extradite Kosovo Ex-PM to Serbia

news 26 Apr 17

Kosovo Official Pleads Innocent to Hate Speech

Feature 20 Apr 17

Serbia Shortlists Chief War Crimes Prosecutor Candidates

News 19 Apr 17

Perkovic Defence Lodges Appeal Before German Court

News 05 Apr 17

Bosnia Awaits Extradition of Nine War Crimes Suspects

News 28 Mar 17

US Jails Bosnian Ex-Soldier for War Crimes Lies