Tuxhman Kërkoi të Kishte Kontroll Mbi Paramilitarët

Duke dëshmuar në gjyqin e Tomislav Mercepit, Greguric kujtoi se në seancën e qeverisë më 14 nëntor 1991, presidenti i asaj kohe Franjo Tuxhman urdhëroi Ministrinë e Brendshme të kontrollonte njësitë paramilitare në fushë të betejës.

Greguric shtoi se nuk e njihte Mercepin personalisht dhe as nuk dinte ndonjë gjë për aktivitetet e tij gjatë luftës.

Ish-prokurori publik kroat, Vladimir Seks, dëshmoi gjithashtu të hënën në gjyqin e Mercepit, i cili është paditur se ka urdhëruar personalisht arrestimin e paligjshëm, torturimin dhe vrasjen e civilëve serbë në vitin 1991, në Zagreb dhe zonat përreth, si dhe në qytetet Kutina dhe Pakrac.

Mercep, këshilltar në Ministrinë e Brendshme, gjatë kohës së luftës, akuzohet për kapjen e paligjshme të 52 personave, nga të cilët 43 u vranë dhe tre u zhdukën.

Seksi tha se Mercepi ishte “lideri jozyrtar” i njësisë policore të njohur si “Mercepovci”, edhe pse nuk u emërua kurrë zyrtarisht si komandanti i saj dhe se nuk kishte asnjë gradë ushtarake. Konfirmoi gjithashtu se Mercepi ishte këshilltar në Ministrinë e Brendshme.

Seksi tha se dëgjoi për ngjarjet në Pakracka Poljana kur u bë prokuror publik në Kroaci, në prill të 1992. Shtoi gjithashtu se ka parë disa dokumente ligjore të cilat dëshmojnë se civilët u kapën në Pakracka Poljana.

Gjyqi do të vazhdojë të martën.