Lajm 30 Nov 12

Mali i Zi: Ende Pa Marrëveshje për Kryebashkiakun e Niksicit

Partitë opozitare në Mal të Zi ende nuk kanë arritur të emërojnë kryebashkiakun e ri për Niksicin, pavarësisht negociatave të gjata, me kërkesa për respektim të simboleve shtetërore dhe dënim të krimeve të luftës nga partnerët në koalicion.

Milena Milosevic
BIRN
Podgorice

Mali i Zi Pozitiv, Fronti Demokratik dhe Partia e Popullit Socialist duket se ishin afër marrëveshjes për emërimin e Janko Vucinicit, ish-lideri i sindikatës së tregtisë, si kryebashkiak i ri në Niksic.

Sidoqoftë, në një ndryshim të habitshëm të ngjarjeve, Drago Djurovi, deputet i Malit të Zi Positiv tani është vënë në anën e koalicionit qeverisës ,i udhëhequr nga Partia Demokratike e Socialistëve në Mal të Zi.

Të enjten, Djurovic u largua nga asambleja vendore bashkë me 20 deputetë nga Koalicioni për një Niksic Europian.

Asambleja mbeti kështu me më pak se gjysmën e numrit të përgjithshëm të deputetëve. 20 nga 41. Dhe kuorumi i nevojshëm nuk u arrit.

Djurovic dhe të tjerët u larguan pas kërkesës së partive opozitare për të përsëritur votimin sekret për kryebashkiakun e ri.

Votimi i mëparshëm tregoi mazhorancën në favor të kandidatit nga Koalicioni për Niksicin Europian, pavarësisht marrëveshjes se posti i takon Vucinicit.

Si rezultat, seanca e parlamentit lokal është shtyrë deri javën tjetër.

Tre partitë opozitare kishin arritur marrëveshje për të ashtuquajtura parimet universale të bashkëpunimin politik, si bazë për formimin e qeverisë vendore në Niksic.

Parimet përfshijnë dënimin e krimeve të luftës në ish-Jugosllavi dhe respektin për pavarësinë e Malit të Zi dhe simboleve shtetërore.

Sidoqoftë, në fillim të seancës në parlamentin vendor, mazhoranca e deputetëve nga Fronti Demokratik bojkotuan këndimin e himnit kombëtar.

Lëvizja inatosi partinë Mali i Zi Pozitiv që insistoi në parimet e mëparshme dhe kërkoi së Fronti Demokratik të propozojë një anëtar jopartiak si kandidat për kryebashkiak të qytetit.

Paaftësia e partive opozitare për të arritur marrëveshje në Niksic është shfrytëzuar nga Partia Demokratike e Socialistëve në Mal të Zi.

Partia tha se nëse do të kishte fituar mazhorancën në Niksic, qyteti do të kishte pasur qeveri lokale në këtë moment.

Zgjedhjet vendore në Niksic u mbajtën më 14 tetor, paralelisht me zgjedhjet e përgjithshme.

blog comments powered by Disqus

Sfond

veteranët-kroatë-të-luftës-organizojnë-protestë-të-re-kundër-alfabetit-cirilik

Veteranët kroatë të luftës organizojnë protestë të re kundër alfabetit cirilik

Aktivistët në Vukovar vendosën letra ngjitëse të mëdha me flamuj kroatë mbi tabelat me germa cirilike nëpër ndërtesat publike duke rigjallëruar protestat pasi përpjekjet e tyre për referendum kombëtar mbi çështjen dështuan.

Gjyqësori serb ende i ndikuar nga qeveria, anketa nxjerr në pah

Shumica e gjyqtarëve dhe prokurorëve në Serbi nuk besojnë se sistemi është i fuqishëm sa duhet për t’i marrë vendimet e tij në mënyrë të pavarur, një anketë e re nxjerr në pah.

Buletini ditor