Lajm 08 Jan 13

Kosova Paralajmëron për Hetime për Personat e Zhdukur

Një organizatë në Kosovë ka nxitur autoritetet të mos bëjnë politika etnike gjatë hetimeve për rastet e personave të zhdukur gjatë luftës.

Edona Peci
BIRN
Prishtinë

Këshilli për Mbrojtjen e Lirive dhe të Drejtave të Njeriut në Kosovë tha se autoritetet duhet të hetojnë çështjen e personave që janë zhdukur gjatë luftës “pavarësisht etnisë së tyre” dhe duhet të vënë drejtësi “për të gjithë ata që kontribuuan në zhdukjen e tyre”.

“Ata që janë përgjegjës për zhdukjen e tyre nuk duhen dënuar ose dhënë amnisti për shkak të etnisë së tyre”, tha organizata në deklaratën e saj.

Më shumë se 1 700 persona janë zhdukur që nga fundi i konfliktit në Kosovë që përfundoi në vitin 1999.

Deklarata u bë dy ditë pasi familjarët e personave të zhdukur dhe disa organizata joqeveritare organizuan një protestë për të theksuar çështjen gjatë një ceremonie në një kishë ortodokse serbe në qytetin e Gjakovës.

Çështja ishte në tryezë gjithashtu muajin e shkuar në një takim mes kryeministrit të Kosovës Hashim Thaçi, dhe homologut serb, Ivica Dacic.

Gjatë bisedimeve në BE, dy kryeministrat u pajtuan “të intensifikojnë bashkëpunimin mes komisioneve përkatëse për personat e zhdukur”.

Por, Këshilli për Mbrojtjen e Lirimeve dhe të Drejtave të Njeriut akuzoi BE-në se po e përdor çështjen si mjet politik për të bërë bashkë Beogradin dhe Prishtinës për bisedime “që kanë zgjatur për vite pa dhënë asnjë rezultat”.

blog comments powered by Disqus

Klasifiko

Buletini ditor