Konferenca në Sarajevë Bën Thirrje për Edukim për Paqe

Profesorë nga 14 vende prezantuan shkrimet e tyre për paqe dhe pajtim përmes edukimit, në një konferencë të mbajtur nga Universiteti i Sarajevës, UNSA, më 21 dhe 22 maj, si pjesë e ngjarjeve që shënojnë 20-vjetorin që nga fillimi i rrethimit në Sarajevë.

Faruk Caklovica, rektor në Universitetin e Sarajevës, tha për Balkan Insight se pjesëmarrësit ranë dakord që të gjitha universitetet dhe kurrikulat duhet të promovojnë paqe dhe pajtim.

“Ngjarjet tragjike gjatë luftës 1992-1995 në Bosnjë duhen kujtuar nga të gjithë dhe se kujtimi duhet të jetë një detyrim që të gjitha kurrikulat duhet ta adresojnë, përmes hulumtim akademik dhe mesazheve të paqes”, tha Caklovica.

Në konferencë morën pjesë më shumë se 20 profesorë nga vendet në rajon dhe akademikë nga Italia, Izraeli, Jordania, Katari, Palestina, Turqia dhe Shtetet e Bashkuara.

Loucas Petronicolas, profesor nga universitetit i Wisconsin Oshkosh, tha për Balkan Insight se përvojat e tij në Universitetin në Tuzël, ku erdhi nga Programi Fullbright, e bëjnë t’i shohë njerëzit në Bosnjë si mendjehapur, por më pak optimist se ç’duhet të jenë.

“Shumica e njerëzve janë të vetëdijshëm se çfarë ka ndodhur në të shkuarën, duhet shmangur domosdo, në të ardhmen, dhe kjo është një shenjë e mirë”, tha Petronicolos.

Konferenca pati diskutime të ndryshme se si edukimi dhe dialogu ndërfetar mund të kontribuojnë në bashkimin e njerëzve, të që mund të punojnë së bashku për kushte jetese më të mira për të gjithë.

Disa nga temat e konferencave përfshinë bashkëpunimin ndëruniversitar, rolin e arsimit të lartë në arritjen e paqes, multikulturalizmin, dhe se si një shoqëri fetare e harmonizuar mund të arrihet përmes edukimin të mësuesve dhe ndryshimeve në kurrikula.

U propozua gjithashtu që Universiteti i Sarajevës dhe partneri i tij, Qendra Ndërkombëtare Doha për Dialog Ndërfetar, DICID, të vazhdojë punën e konferencës, duke organizuar forumin vjetor “Mesazhe Paqeje”.