Ish-Ministri Përqafon Mercepin në Dhomë të Gjyqit

Duke dëshmuar për palën mbrojtëse, Vekic, monistër i Brendshëm kroat, midis gushtit të 1991 dhe prillit të 1992, tha se nuk dinte asgjë rreth burgut të dyshuar në Pakracka Poljana dhe se Mercepi nuk ka komanduar njësinë policore të njohur si “Mercepovci”.

“Si këshilltar në Ministrinë e Mbrojtjes, Mercep, kishte vetëm autoritetin të mbante armë, të luftonte dhe të vdiste”, tha Vekic, i cili tani është udhëheqës i partisë politike jo-parlamentare ekstreme të djathtë “Roja Kroate”.

“Mercepi mund të komandohej nga udhëheqësi i ndonjë aksioni të veçantë gjatë luftimit”, tha ai.

Mercepi, ish-këshilltar i lartë në Ministrinë e Brendshme të kohës së luftës në Kroaci, akuzohet se ka urdhëruar personalisht arrestimin e paligjshëm, torturimin dhe vrasjen e civilëve serbë në vitin 1991 në Zagreb dhe zonat përreth, si dhe në qytetet Kutina dhe Pakrac.

Mercepi qau kur Vekici përfundoi dëshminë e tij. Duke dalë nga salla e gjyqit, Vekic e përqafoi Mercepin duke i thonë: “Të mbrojttë Zoti”.

Ndryshe nga Vekic, pasardhësi i tij Ivan Jarnjak dëshmoi se policia hetoi krimet e dyshuara në Pakracka Poljana.

“Por kishte probleme me ato hetime, sepse luftimi po vazhdonte rreth Pakracka Poljana dhe pjesë e atij territori ishte i pushtuar për disa kohë”, tha Jarnjak.

Ai tha se nuk e dinte për trupat e gjetura në Pakracka Poljana, pasi “Mercepovci” u larguan prej aty.

Gjyqi do të vazhdojë të martën, më 24 prill.