Gjykata në Hagë Financon Mbrojtjen e Mladicit

Mbrojta e liderit ushtarak të ushtrisë serbe-boshnjake, Ratko Mladic, po financohet nga Gjykata në Hagë.

“I kërkojmë [gjykatës] paratë të cilat në duhen dhe ata e aprovojnë”, avokati i Mladicit, Branko Lukic i tha të përditshmes Blic në Beograd.

Pyetja se kush po e financonte mbrojtjen e Mladicit u vu në fokus pasi djali i tij vizitoi Banjallukën, kryeqytetin e Republikës Srpska, më 7 shkurt.

Kur Mladici u arrestua më maj të 2011, kryeministri i Republika Srpska, Aleksandar Dzombic, tha se qeveria e tij do të ndihmonte me mbrojtjen, përmes një fondacioni që ofron ndihmë ligjore për të dyshuarit për krime të luftës në Gjykatën e Hagës.

Por Lukic tha se mbrojtja e Mladicit nuk i merr paratë nga autoritetet e Republikës Srpska.

“Edhe nëse [Presidenti Republikës Srpska, Milard] Dodik do të ofronte të ndihmonte financiarisht mbrojtjen e Mladicit, ai nuk do t’i pranonte paratë. 

Zëdhënësja e gjykatës, Nerma Jelacic, konfirmoi se gjykata po financon ekipin mbrojtës të Mladicit, pasi kishin arritur në përfundimin se as Mladici, as familja e tij, nuk kishin fonde të mjaftueshme.

“Nëse ka fonde të tjera që po financojnë mbrojtjen e një të padituri, gjykata mund ta zvogëlojë ose përfundojë financimin”, i tha Jelacic, Blicit.

Qeveria serbe po ndihmon ekipet e mbrojtjes për disa të paditur për krime lufte, por Mladici nuk mund ta ketë këtë ndihmë, pasi ndihma është vetëm për rastet që u dorëzuan në mënyrë vullnetare.