Djordjislav Askraba Dënohet me Shtatë Vjet Burgim

Askraba u gjet fajtor për burgimin e paligjshëm, ndihmim në vrasje dhe dëbimin e civilëve boshnjakë nga qytetet Kalinvok dhe Foçë, burgosje në kampin Depoja e Barutit, dhe punë të detyruar.

Vendimi shkallës së dytës vendosi se Askraba, ish-anëtar i Ushtrisë së Republikës Srpska, i kreu këto krime në korrik dhe gusht të 1992, si roje kryesor i kampit Depoja e Barutit.

Dhoma e Apelit vendosi se Askraba ia dorëzoi të burgosurit e kampit personave të panjohur në disa raste dhe shkroi në mënyrë jokorrekte të dhënat se ata po transferoheshin në një burg në qytetin e Foçës.

Më shumë se 80 civilë u çuan në Depon e Barutit dhe më pas u vranë, ndërsa disa prej tyre ende janë të zhdukur.

“Sidoqoftë, Dhoma e Apelit vendosi se i pandehuri nuk e dinte se personat që u morën do të vriteshin”, shpjegoi Azra Miletic, gjyqtarja kryesuese e Dhomës së Apelit.

Askraba u gjet fajtor që liroi katër civilë, të cilët më pas u morën në fushë të betejës për të zhvarrosur trupat e ushtarëve serbë, dhe u lirua nga dy akuzat për lirimin e tre civilëve, të cilët më pas u zhdukën.

“Dhoma e apelit nuk pranoi kualifikimin ligjor nga aktpadia - krime kundër njerëzimit - sepse, edhe pse ishte një sulm i gjerë dhe sistematik, prokuroria dështoi të vërtetonte se veprimet e të pandehurit ishin pjesë e sulmit”, tha Miletic.

Dhoma e Apelit e gjeti Askrabën fajtor nën Kodin Penal të ish-Jugosllavisë dhe jo atë të Bosnjës dhe Hercegovinës, nën të cilin u padit, sepse vlerësoi se ligji i ri i shtetit i vitit 2003 nuk është më i lehtë për autorin e krimit, në këtë rast.

Gjykata e Bosnjës dhe Hercegovinës e aplikon Kodin Penal të Bosnjës dhe Hercegovinës nga viti 2003 në shumicën e rasteve, dhe ky është aktgjykimi i tretë për krime lufte, ku ligji nga ish-shteti është aplikuar në vend të tij.

Aktgjykimi i shkallës së parë i dhjetorit të vitit 2009 e liroi Askrabën, por Dhoma e Apelit e hodhi poshtë vendimin dhe urdhëroi një rigjykim. I pandehuri ka mundësin të apelojë në Dhomën e Shkallës së Tretë.