Një dëshmitare e prokurorisë dëshmoi se në qershor të vitit 1992, i akuzuari Oliver Krsmanovic mori bashkëshortin e saj dhe një fqinj, të cilët nuk i pa më kurrë.
Zejneba Osmanbegovic kujtoi se ishte në shtëpinë e saj në fshatin Crnici, afër Visegradit, me bashkëshortin dhe nënë e saj, kur Oliver Krsmanovic, Gordana Andric dhe Zeljko Lelek, erdhën dhe filluan t’i keqtrajtojnë.
“Ata sollën Hasan Ahmetspahicin me tyre. Dukej se ishte rrahur. Me zor merrte fryme. (…) Ata thanë: ‘hiqini rrobat!’ Nëna ime ishte 85 vjeç. Na zhveshi”, tha Osmanbegovici.
Sipas dëshmitares, Lelek, i cili u dënua me 16 vjet burgim për krime në Visegrad, mori Ahmetspacin, ndërsa Krsmanovic ndenji dhe kërkoi shtëpinë për të gjetur para.
“U kthen në orën 5 në mëngjes. Morën burrin tim Nailin dhe Hasanin, më vonë, gjithashtu. E shtynë Hasanin në ujë. Nuk e kam parë më kurrë bashkëshortin tim që nga ajo ditë. Për këtë arsye kam ardhur këtu. Dua të më japin eshtrat e tij”, tha Osmanbegovici.
Krsmanovici akuzohet se ka trajtuar në mënyrë çnjerëzore civilët në shtëpinë e Osmanbegovicit, më 1 qershor 1992, dhe morën Osmanbegovicin dhe Ahmetspahicin me vete.
Ish-anëtari i Ushtrisë së Republikës Srpska është në gjyq për pjesëmarrje në zhdukjen e detyruar të boshnjakëve, vrasje dhe përdhunim.
Gjatë marrjes në pyetja, avokati mbrojtës tha se Osmanbegovici e ka gabuar Krsmanovicin për dikë tjetër, edhe pse ajo ishte e vendosur se e njihte mirë Krsmanovicin, edhe para luftës.
“Babai i tij, Milan, punonte në “Terpentin’ [fabrikë vendore]. Jetonin në lagjen e vëllait tim. Ka shkuar në shkollë me fëmijët e mi”, tha Osmanbegovici.
Krsmanovic tha se pohimet e dëshmitares se ku jetonte ai janë të pasakta.
“Betohem për jetën e tre fëmijëve të mi se nuk isha unë”, tha Krsmanovici.
Më pas, Osmanbegovici u ngrit nga tavolina e dëshmitarëve dhe tha, duke u betuar “në katër librat e shenjtë”, se Krsmanovici ishte në shtëpinë e saj më 1992.
Salim Ahmetspahic dëshmoi gjithashtu në këtë seancë dëgjimore dhe tha se vëllai i tij Hasani u morr nga Crnici në vitin 1992 dhe se u gjet i vdekur në lumin Drina.
“Dëgjuam se trupi i tij u gjet në breg to lumit Klotjevac në komunën e Srebrenicës”, tha dëshmitari.
Ai i tha gjykatës se “dëgjoi disa histori se një person me emrin Oliver Krsmanovic e shoqëroi, torturoi dhe në fund e vrau”, por nuk e dinte se kush ia kishte thënë këtë.
Gjyqi do të vazhdojë më 21 gusht.