Lajm 08 Feb 13

“Dëshmitar i Ri” në Rastin për Trafikim Organesh në Kosovë

Prokurori për krime lufte në Serbi tha se ka zbulime të reja në hetimin për dyshimin për trafikim organesh nga luftëtarët kosovarë, gjatë konfliktit të fundit të viteve 1990-të

Novi Magazin, BIRN
Beograd

Prokurori për krime lufte, Vladimir Vukcevic, tha për të përjavshmen “Novi Magazin” se prokurorët serbë kanë informuar Misionin e BE-së për Rendin e Ligjit në Kosovë se një dëshmitar i ri i gjetur mund të hedhë drite të re mbi rastin kontrovers.

“Një dëshmitar për procedurat mjekësore, i njohur si ‘Darko’ dhe që është nën mbrojtje [të policisë], është burim i vlefshëm për të dhëna relevante”, tha Vukcevic.

Ai shtoi se ka marrë “lajme të mira” nga BE-ja se çdo asnjë rast gjyqësor nuk do të mbahet në Kosovë.

Një raport i vitit 2010 nga raportuesi i asaj kohe për të drejtat e njeriut pranë Këshillit të Evropës, Dick Marty, hodhi dyshime se disa anëtarë të Ushtrisë Çlirimtare të Kosovës, përfshirë kryeministrin e tanishëm, Hashim Thaçi, kanë marrë dhe shitur organet e të burgosurve gjatë konfliktit të vitit 1999 me forcat serbe.

Hetimi për trafikim të organeve shkaktoi edhe më shumë kundërshti, vitin e shkuar, kur një stacion televiziv serb transmetoi një intervistë me një anëtar të dyshuar të Ushtrisë Çlirimtare të Kosovës, i cili tha se ka marrë organet e të burgosurve serbë në qytetin shqiptar të Kukësit, në vitin 1999.

Intervista televizive u kritikua nga ekspertët ndërkombëtarë dhe vendas, duke thënë se mund të dëmtojë hetimet në akuzat për trafikim organesh.

Kosova dhe Shqipëria kanë mohuar akuzat.

blog comments powered by Disqus